ياللي عرضتي عنوة(ن) بدروبي فبراير 8, 2009
Posted by sraj1 in شعر.add a comment
ياللي عرضتي عنوة(ن) بدروبي العيب عيبك والذنوب ذنوبي
اما تبلين الخفوق الممحل ولا عن العشق الموهق توبي
ياللي جمعتي فيك ما لا يجمع لا تشبحين بوجهي المشحوبي
تشتتي مثل شتات امتنا عقب صلاح وعمة الأيوبي
وتجمعي مثل تجمع ربعي على الشرف والرفد والماجوبي
خلي عنبك يصير طولي وانتي اليا احتضنته لو سمحتي ذوبي
ذوبي مثل احساسك التلقائي لا قمت أغازل مسمعك بأسلوبي
تنخبوي مثل قصايد غازي وتشعبي مثل خليل النوبي
يا ليت في جوفي قلوب(ن) واجد عشان احبك في جميع قلوبي
نعم احبك حب ماهو عادي حب(ن) من اقصى خافقي مجذوبي
حب(ن) كثر ما ذقت وتحملته من سرمد(ن) في ليلي الأثيوبي
وكثر ما حنا فالعرب أملنا ولا استفدنا غير بار ولوبي
واكثر من اعداء النجاح الفردي اللي على صدور الصحف قالوبي
أرجوك يا عين العديم الصافي لدي اليا مني دعيتك صوبي
لا جيتت ابنسى ما مضى واطنش تطري علي ذكراك يا محبوبي
نظارتك واشيائك المركونه وسوارتك والماسك المكذوبي
وكتابك اللي فهرسته عروقي وعروقك اللي فهرسة مكتوبي
الصدر بيتك والضلوع ضلوعك نامي على جنب السعه بجنوبي
وان ايقضك قلبي وحن وصوت مغلوب وهاذي حيلة المغلوبي
